შოკოლადის კექსი - მზადდება ჭიქაში, ცხობის გარეშე

საჭირო პროდუქტი:

• კვერცხი - 3 ცალი,
• შაქარი - 1 ჭიქა,
• კეფირი - 100 მლ,
• ზეთი - 125 მლ,
• გამაფხვიერებელი - 1 ჩ/კ.
• კაკაოს ფხვნილი - 20 გრ.
• ფქვილი - 2 ჭიქა.

მომზადების წესი:

კვერცხს დაუმატეთ შაქარი და რამდენიმე წუთის განმავლობაში, მიქსერით ათქვიფეთ.

დაუმატეთ კეფირი, ზეთი, კაკაო, გამაფხვიერებელი, ფქვილი და კარგად აურიეთ.

მიღებული თხელი ცომი ფინჯნებში ნახევრამდე ჩაასხით. ფინჯნებისთვის ცხიმის წასმა საჭირო არ არის.

ცომით სავსე ჭიქები დიდი ზომის ჯამში მოათავსეთ. ჯამში იმდენი წყალი ჩაასხით, რომ ფინჯნები სანახევროდ დაფაროს.

ჯამს ჯერ რაიმე ქსოვილი ან ჩაის ტილო დააფარეთ, შემდეგ კი თავსახური. ქსოვილი საჭიროა იმისათვის, რომ წყალი კექსებზე არ დაეწვეთოს.

ჯამი ცეცხლზე დადგით, რომ წყალმა 30-35 წუთის განმავლობაში იდუღოს.

კექსებს ფინჯნებიდან ადვილად ამოიღებთ. ისინი არც დამწვარი იქნება და არც გამომშრალი.

შეგიძლიათ, გაგრილებულ კექსებს თავზე მინანქარი ან კრემი წაუსვათ.

გემრიელად მიირთვით!

ესეც სცადეთ:

ხაჭოს დესერტი ცხობის გარეშე

შოკოლადის სამარხვო ორცხობილა „ბრაუნი“

სამარხვო დესერტი — შოკოლადის მაფინები