7 განსხვავება საშუალოსტატისტიკურ მშობელსა და ბრძენ მშობელს შორის

მშობლის როლი ბავშვის აღზრდაში ძალიან მნიშვნელოვანია. ჩვენ გიამბობთ, თუ რით განსხვავდება ბრძენი მშობელი საშუალოსტატისტიკური მშობლისგან, რაც შვილის სრულფასოვანი აღზრდის პროცესში დაგეხმარებათ:

საშუალოსტატისტიკური მშობელი: დარწმუნებულია, რომ მთელი თავისუფალი დრო შვილზე ზრუნვას უნდა დაუთმოს, საკუთარი ინტერესები კი დაივიწყოს.

👉ბრძენი მშობელი: მას შეუძლია საკუთარ თავზე იზრუნოს და შვილებსაც ამას ასწავლის.

საშუალოსტატისტიკური მშობელი: საღამოებს შვილების საშინაო დავალების შესრულებაში ატარებს.

👉ბრძენი მშობელი: შვილების აღზრდისას შემდეგ სტრატეგიას მიჰყვება - ბავშვი სრულად არის პასუხისმგებელი შესრულებულ და შეუსრულებელ დავალებაზე.

საშუალოსტატისტიკური მშობელი: ცდილობს, საკუთარი დანაშაული სხვადასხვა საჩუქრებით ან ფულის ჩუქებით გამოისყიდოს.

👉ბრძენი მშობელი: შვილს რეგულარულად აძლევს ჯიბის ფულს. ბავშვმა ფულის სწორად განაწილება თავად უნდა ისწავლოს, რათა გარკვეული ნივთები და სათამაშოები დამოუკიდებლად შეიძინოს.

საშუალოსტატისტიკური მშობელი: არ ცდილობს გაარკვიოს, რატომ იქცევა ბავშვი ცუდად. მისთვის საკმარისია შედეგი აღმოფხვრას.

👉ბრძენი მშობელი: ცდილობს მოუსმინოს ბავშვს, რათა გაიგოს, რა დგას მისი საქციელის უკან და როგორ შეიძლება ბავშვის დახმარება.

საშუალოსტატისტიკური მშობელი: მისი მიზანია ღირსეული ადამიანის აღზრდა.

👉ბრძენი მშობელი: ყველაფერს აკეთებს შვილთან მჭიდრო ურთიერთობის დასამყარებლად.

საშუალოსტატისტიკური მშობელი: შვილს აღმერთებს და ფაქტობრივად, კისერზე შეჯდომის უფლებასაც კი აძლევს.

👉ბრძენი მშობელი: აცნობიერებს, რომ მას აქვს პირადი სივრცის, გატაცების და გარკვეული დროის ბავშვის გარეშე გატარების უფლება. ის პატივს სცემს როგორც საკუთარ, ისე შვილის პირად საზღვრებს.

საშუალოსტატისტიკური მშობელი: ცდილობს, დაიცვას შვილი ცხოვრების ყველა სირთულისგან და იმასაც კი აკეთებს, რასაც არ სთხოვენ.

👉ბრძენი მშობელი: ბავშვს შეცდომების დაშვების საშუალებას აძლევს, შემდეგ კი მასთან ერთად განიხილავს, რა გაკვეთილის მიღება შეიძლება შექმნილი სიტუაციიდან.

ასევე, საინტერესოა 🔰:

ბავშვის აღზრდის ფსიქოლოგია - რას აკეთებს იაპონელი მშობელი, როცა ბავშვი ცუდად იქცევა?

7 რამ, რაც ბავშვს არ უნდა აუკრძალოთ!

რამდენი სათამაშო უნდა ჰქონდეს ბავშვს? - ფსიქოლოგების რჩევა მშობლებს