სწორი კვება სისხლის ჯგუფის მიხედვით

I ჯგუფი (ამ კატეგორიას დედამიწის მოსახლეობის 33.5% მიეკუთვნება)

რაციონში უნდა იყოს: წითელი ხორცი; ბროკოლი; ფოთლოვანი ბოსტნეული; თევზის ცხიმიანი სახეობები; მცენარეული ზეთებიდან სასურველია ზეითუნის ზეთი; თხილი, ზღვის კომბოსტო და შავი ქლიავი ორგანიზმს მიკროელემენტებს აწვდის და საჭმლის მონელებაში ეხმარება ცილებით მდიდარი რაციონის გათვალისწინებით.

სასურველია, რაციონში არ შეიტანოთ: გლუტენის შემცველობის პროდუქტები (ხორბალი, შვრია); რძის პროდუქტები, განსაკუთრებით ცხიმიანი; სიმინდი, ოსპი, ნებისმიერი სახის კომბოსტო, მათ შორის - ბრიუსელისა და ყვავილოვანი. ეს პროდუქტები სისხლის პირველი ჯგუფის მქონე ადამიანებს წონაში ადვილად ამატებინებს და მეტაბოლიზმს ანელებს. ასევე, რეკომენდებულია ისეთი საკვებისგან თავის შეკავება, რომელიც ორგანიზმში დუღილს იწვევს (ვაშლი, კომბოსტო).

II ჯგუფი (ამ კატეგორიას დედამიწის მოსახლეობის 37.8% მიეკუთვნება)

რაციონში უნდა იყოს: ბოსტნეული; მცენარეული ზეთები; ბურღულეული (ზომიერად გლუტენის შემცველი); ხილი – ანანასი, გარგარი, გრეიპფრუტი, ლეღვი, ლიმონი, ქლიავი განსაკუთრებით კარგია; თევზი და ზღვის პროდუქტები.

სასურველია, რაციონში არ შეიტანოთ: წითელი ხორცი, რომელიც აჩერებს ნივთიერებათა ცვლის პროცესს და ცუდად აითვისება ორგანიზმის მიერ; ხორბლისგან დამზადებული კერძები; ლობიო; ბადრიჯანი, კარტოფილი, სოკო, პომიდორი და ზეთისხილი; ხილიდან არ არის რეკომენდებული ფორთოხალი, ბანანი, მანგო, ქოქოსი, მანდარინი, ნესვი და პაპაია.

III ჯგუფი (ამ კატეგორიას დედამიწის მოსახლეობის 20% მიეკუთვნება)

რაციონში უნდა იყოს: ხორცი და თევზი, კვერცხი, რძის პროდუქტები, ბურღულეული (წიწიბურასა და ხორბლის გამოკლებით); ბოსტნეული (პომიდვრის, სიმინდის გამოკლებით) და ხილის დიდი არჩევანი.

სასურველია, რაციონში არ შეიტანოთ: ღორისა და ქათმის ხორცი; ზღვის პროდუქტები; ზეთისხილი; სიმინდი და ოსპი; თხილეული; ალკოჰოლი.

IV ჯგუფი

რაციონში უნდა იყოს: სოიოს პროდუქტები, განსაკუთრებით ტოფუ; თევზი და ხიზილალა; რძის პროდუქტები; მწვანე ფერის ხილი და ბოსტნეული; ბრინჯი; კენკრა; წითელი, მშრალი ღვინო.

სასურველია, რაციონში არ შეიტანოთ: წითელი ხორცი; ნებისმიერი ტიპის ლობიო; წიწიბურა; სიმინდი და ხორბალი; ფორთოხალი, ბანანი, ბროწეული, ქოქოსი, მანგო, ხურმა; სოკო და თხილეული.