შეიძლება თუ არა, ერთმანეთისგან განვასხვაოთ ჯანმრთელი და ავადმყოფი ხველება?

უახლესი კვლევების თანახმად, სამედიცინო განათლების არმქონე ადამიანებს ჯანმრთელი ადამიანისა და ავადმყოფის ხველის გარჩევა არ შეუძლიათ.

წარმოიდგინეთ, რომ სასურსათო მაღაზიაში პროდუქტის რიგში დგახართ და ვიღაც თქვენს ზურგს უკან ხველებას იწყებს. თქვენ იბნევით, პროდუქტების შეძენაზე აღარც ფიქრობთ და მაღაზიიდან შეშინებული გადიხართ.

ალბათ, კოვიდის პანდემიის პირობებში მსგავს სიტუაციაში ბევრი თქვენგანი აღმოჩენილა, მაგრამ 2020 წელს ჩატარებული კვლევა მოდუნებაში დაგეხმარებათ.

„ადამიანები ინფექციებს არა მხოლოდ იმუნური სისტემის, არამედ ინსტინქტების დონეზეც ვებრძვით. ამიტომაც, თავს ვარიდებთ მას, ვისაც ავადმყოფობის უმცირეს გამოვლინებას შევატყობთ. ქცევის ასეთი პროფილაქტიკური მოდელი, რომელიც პათოგენური ინფექციებისგან თავის დაცვას ემსახურება, ადამიანმა საუკუნეების განმავლობაში გამოიმუშავა,“ - ამბობს მიჩიგანის უნივერსიტეტის ფსიქოლოგი ნიკ მიხალაკი.

არსებობს კვლევა, რომელთა მიხედვით სუნისა და გარეგნობის შეფასებით შეგვიძლია იმის დადგენა, ავად არის თუ არა ადამიანი, მაგრამ ხმით „დიაგნოსტირების“ შესაძლებლობა ჯერჯერობით შესწავლილი არ არის.

მიხალაკმა და მისმა კოლეგებმა 200-ზე მეტი ავადმყოფი და ჯანმრთელი მოხალისეს ხველების ჩანაწერები შეისწავლეს და დაასკვნეს, რომ:

აუდიოლოგიურ კვლევებს შეუძლია, ავადმყოფი და ჯანმრთელი ადამიანის ხველას შორის განსხვავება დააფიქსიროს, მაგრამ ადამიანის ყურს იმავეს გაკეთება გაუჭირდება. სავარაუდოდ, ადამიანს ხველების არა მხოლოდ მოსმენა, არამედ დანახვაც სჭირდება, რომ ზუსტი შეფასება მისცეს.

მეცნიერები იმედოვნებენ, რომ ახალი კვლევა ადამიანებს საშუალებას მისცემს, საკუთარ შესაძლებლობებს ახლებურად შეხედონ და ხველების გაგონებაზე პანიკაში არ ჩაცვივდნენ.

🔰:

რა არ უნდა ვჭამოთ ვირუსის დროს

გრიპი და გაციება - რა განსხვავებაა მათ შორის

დღეში მართლა 2 ლიტრი წყალი უნდა დავლიოთ?