სოკოს წვნიანი - მოამზადეთ 20 წუთში

საჭირო პროდუქტი:

• ქამა სოკო - 200 გრ;
• ნაღები - 200 გრ;
• ჰოლანდიური ყველი (გაუდა) – 50-60 გრ;
• მარილი და პილპილი - გემოვნებით.

მომზადება:

საგულდაგულოდ გარეცხილი სოკო დაჭერით კუბიკებად, ჩაყარეთ მაღალ ქვაბში, დაასხით ნაღები და შედგით ქვაბი ნელ ცეცხლზე 15 წუთით.

როგორც კი სოკო ოდნავ მოიხარშება, დაამატეთ მარილი, პილპილი და, დაახლოებით, 2 წუთში გადმოიღეთ ღრმა თეფშზე.

თეფშზე მოაყარეთ გახეხილი ჰოლანდიური ყველი.

როგორც კი ყველი დნობას დაიწყებს, შეგიძლიათ, გემრიელად მიირთვათ.

შენიშვნა:

ნაღები არ უნდა იყოს ძალიან სქელი, სასურველია - 25%-იანი;
თუ გსურთ, სოკოს გემო უკეთ შეიგრძნოთ, სოკო ბოლომდე არ მოხარშოთ;
ნაღები შესაძლოა, ქვაბიდან გადმოვიდეს, ამიტომ, ყურადღებით იყავით და კერძს ხშირად მოურიეთ.

ეს გემრიელი რეცეპტებიც სცადეთ:

ბოსტნეულის წვნიანი

სამარხვო წვნიანი - პიტნით და ბარდით

დიეტური წვნიანი

თევზის წვნიანი უხა