დესერტი ტაფაზე

საჭირო პროდუქტი:

• ფქვილი - 220 გრამი (8 ს.კ. თავმოდგმული)
• კვერცხი - 2 ცალი
• მარილი - 0,5 ჩ/კ.
• კარაქი - 130 გრ.
• თაფლი - 100 გრ. (3 სუფრის კოვზი)
• სოდა - 1 ჩ/კ.
• მოხარშული შესქელებული რძე (სგუშონკა) - 150 გრ.
• არაჟანი 20% -იანი - 200 გრ.

მომზადების წესი:

ფირფიტების მომზადება

პატარა ქვაბში ჩატეხეთ კვერცხი, დაამატეთ თაფლი, კარაქი, მარილი და დაბალ ცეცხლზე დადგით. შემდეგ დაამატეთ სოდა და აურიეთ. როცა მასა კარგად აქაფდება, გაფუვდება და გაღიავდება, ცეცხლიდან გადმოდგით.

თაფლიან მასას გაცრილი ფქვილი დაამატეთ და რბილი, ოდნავ წებოვანი ცომი მოზილეთ.

ცომი 8 ნაწილად გაყავით, გააბრტყელეთ და ტაფაზე, საშუალო ცეცხლზე ორივე მხრიდან გამოაცხვეთ.

კრემის მომზადება

კრემისთვის უბრალოდ არაჟანი და შესქელებული რძე ერთმანეთში კარგად აურიეთ და გაგრილებულ ფენებს წაუსვით. მზა ტორტი რამდენიმე საათით მაცივარში შედგით და სუფრასთან მიტანის წინ გამდნარი შოკოლადი მოასხით.

სულ ეს არის.

გემრიელად მიირთვით!

ესეც სცადეთ:

უგემრიელესი ხაჭოს ტორტი ტაფაზე

ალუბლის შტრუდელი ლავაშით - გემრიელი და სწრაფი დესერტი

მარტივი დესერტი ცხობის გარეშე - არ სჭირდება ფქვილი და კვერცხი

„შპარგალკა“ სამზარეულოში - როცა საზომი ჭიქა არ გაქვთ