დესერტი

ხილის ტორტი ცხობის გარეშე

fun time

12:00 შაბ. 6 აგვისტო

ხილის ტორტი ცხობის გარეშე
14
დაკოპირებულია

თუ გსურთ ტკბილეული ცხობის გარეშე, ზაფხულის ცხელ დღეს რა უნდა იყოს იმაზე სასიამოვნო, ვიდრე გრილი და არომატული კენკრის ტორტია. სულ რაღაც, 15 წუთში მზადაა, თუმცა სასურველია მირთმევამდე მაცივარში მთელი ღამით დატოვოთ.  ამასთან, შეგიძლიათ კენკრა საკუთარი გემოვნებით, სეზონის მიხედვით შეარჩიოთ. 

 

კენკრის ტორტის მოსამზადებლად დაგჭირდებათ:

  • ჟოლო - 400 გ
  • მოცვი - 200 გ
  • არაჟანი - 800 გ
  • შაქარი - 1 ჭიქა
  • წყალი - 100 მლ
  • ჟელატინი - 30 გრ.
  • ვანილის შაქარი - 8 გრ.

მომზადების წესი:

30 გრ ჟელატინი ჩაყარეთ რკინის ჯამში, დაასხით ნახევარი ჭიქა წყალი და, დაახლოებით, 10 წუთი დატოვეთ, რომ ჟელატინი გაფუვდეს.

ცალკე ჯამში მოათავსეთ 800 გრ არაჟანი, 1 ს.კ. შაქარი და 8 გრ. ვანილის შაქარი. ყველაფერი კარგად აურიეთ, რათა შაქარი არაჟანში გაიხსნას.

ჟელატინი როცა გაფუვდება, დაბალ ცეცხლზე დაადგით და განუწყვეტელი მორევით ადუღებამდე მიიყვანეთ. გაითვალისწინეთ, რომ ჟელატინი არ უნდა ადუღდეს.

არაჟანში ჩაასხით გამდნარი ჟელატინი და მაშინვე კარგად აურიეთ.

ტორტისთვის დაახლოებით 400 გრ ჟოლო და 200 გრ მოცვი დაგჭირდებათ. ცოტაოდენი კენკრა ტორტის გასაფორმებლად შეინახეთ.

კენკრა ჩაყარეთ არაჟანის ჟელეში და კოვზით ნაზად აურიეთ.

21 სმ დიამეტრის ფორმაში (სასურველია ფორმას გვერდები ეხსნებოდეს) ჩააფინეთ პოლიეთილენის ფირი ისე, რომ შიგთავსი გარეთ არ გამოვიდეს.

არაჟნის ჟელე ფორმაში გადაიტანეთ და მორჩენილი კენკრა თავზე ლამაზად მოაწყვეთ.

ტორტი მაცივარში, სულ მცირე, 3-4 საათით დატოვეთ.

გამაგრებული ტორტი ფორმიდან ფრთხილად ამოიღეთ, პოლიეთილენის ფირი მოაცილეთ და ლანგარზე გადაიტანეთ.

შენიშვნა:

თუ ფორმას გვერდები არ ეხსნება ან ტორტი ჩვეულებრივ ჯამში გააკეთეთ, ტორტის ამოსაღებად ჯამი 10 წამით ცხელ წყალში უნდა მოათავსოთ.

გემრიელად მიირთვით!


სცადეთ ეს მარტივი რეცეპტები 👇

დესერტი ცხობის გარეშე

ჩიტის რძე ბეზეთი

ცივი ტორტი

პეჩენიის დესერტი



სიახლეები ამავე კატეგორიიდან

შოკოლადის კეტო ტრიუფელი - მხოლოდ 2...

შოკოლადის კეტო ტრიუფელი

ლეღვის მურაბა ნიგვზით

ლეღვის მურაბა ნიგვზით

რით განსხვავდება ყვითელი საზამთრო წ...

ყვითელი საზამთრო

რამდენი ხანი სჭირდება სიმინდის მოხა...

რამდენი ხანი უნდა
სიმინდის მოხარშვას?

მარტივი დესერტი ცხობის გარეშე

მარტივი დესერტი ცხობის
გარეშე

უმარტივესი ნამცხვარი შავი მოცვით

მოცვის ტორტი ცხობის
გარეშე

შემწვარი ნაყინი

შემწვარი ნაყინი

ფუმფულა ფუნთუშები - მოამზადეთ მარტი...

ფუნთუშების რეცეპტი

ალუბლის ტორტის რეცეპტი

ალუბლის ტორტის რეცეპტი