ყურძნის მურაბა „იზაბელა“

საჭირო პროდუქტი:

• „იზაბელას“ ჯიშის ყურძენი - 500 გრ.
• შაქარი - 3 ჭიქა (540 გრ)
• „იზაბელას“ ჯიშის ყურძნის წვენი - 0,5 ჭიქა (100 გრ)

მომზადების წესი:

1. მოამზადეთ ქვაბი, პატარა ცეცხლგამძლე ჯამი და ნახევარლიტრიანი, წინასწარ გასტერილებული ქილა თავსახურით.

2. ყურძენი დამარცვლეთ, გარეცხეთ და თუშფალანგზე დატოვეთ, სანამ წყალი არ მოსცილდება. ამის შემდეგ ყურძნის მარცვლები მთლიანად გასაშრობად ტილოს ან ქაღალდის პირსახოცზე გადაიტანეთ.

3. შემდეგ ყურძნის მარცვლები ჩაყარეთ ქვაბში და დაუმატეთ 1,5 ჭიქა შაქარი. ქვაბი კარგად შეანჯღრიეთ, ისე რომ შაქარი თანაბრად გადანაწილდეს, გადააფარეთ სუფთა ტილო და 4-5 საათი დატოვეთ, რათა მარცვლებმა წვენი გამოუშვან.

4. დარჩენილი 1,5 ჭიქა შაქარი და ყურძნის წვენი ცალკე ჯამში მოათავსეთ და აურიეთ. ამის შემდეგ საშუალო ცეცხლზე გადაიტანეთ და 4-5 წუთის განმავლობაში გამუდმებით ურიეთ, სანამ შაქარი მთლიანად არ დნება. ჯამი ცეცხლიდან გადმოდგით და სიროფი გააგრილეთ.

6. გაგრილებული სიროფი ყურძნიან ქვაბში ჩაასხით, საშუალო ცეცხლზე დადგით და დროდადრო მორევით ადუღებამდე მიიყვანეთ. მურაბა 25-30 წუთის განმავლობაში ხარშეთ, სანამ სიროფი არ გასქელდება და პერიოდულად, ქაფი მოხადეთ.

7. ცხელი მურაბა ქილაში გადაიტანეთ, თავსახური დააფარეთ, დახუფეთ და გრილ, ბნელ ადგილას შეინახეთ.

გემრიელად მიირთვით!

ესეც სცადეთ:

ყურძნის წვენის შენახვა ზამთრისთვის

ქაცვის მომზადება - მურაბის მარტივი რეცეპტი

ფორთოხლის კანის მურაბა

ლეღვის მურაბა ნიგვზით